Free PDF

Auteur : Mistral Frédéric
Ouvrage : Proso d'Armana
Année : 1926

Lien de téléchargement : Mistral_Frederic_-_Proso_d_Armana.zip

Proumiero Garbo. L'ome juste 1. I’a ’n ome qu’uno fes aguè ’n enfant ; e’n aguènt aquel enfant ié vouguè pèr peirin un ome juste. Mai, ounte lou trouva ? Cerco que cercaras ! Vai rescountra Sant Pèire ; e sant Péire ié vèn : « Que cercas tant, brave ome ? Cerque un peirin pèr moun pichot. Se voulès que iéu vous lou tèngue ? Es que, l’ome respond, voudriéu un ome juste. Poudès gaire miéus toumba, sant Pèire ié dis. E quau sias, vous ? Siéu sant Pèire. Sant Pèire ? que pourtas li clau ? sias pas juste ; pèr quàuqui marrit pecat de mai o de mens, metès lis un au paradis e lis autre à l’infèr… Sias pas l’ome que vole, à-Diéu-sias ! » ...